Hemen dira, urtero lez, San Faustoak

“Udagoienean sartzeaz batera, poza eta jai-giroa gailentzen dira Durangoko kale eta plazetan. Aurten ere, armairutik aterako ditugu baserritar jantziak edo alkandora zuria, eta sama bueltan jarriko ditugu, dotore asko, zapi urdina, gorria edo koadroduna. Txistu-soinua ere gure leihopetik pasako da, eta paella jango dugu, eta Luhartzekin egingo dugu dantzan”.