Zaldibarren bertso eskola abian jartzeko deia luzatu dute

I. Ellakuriaga

Bertsozaleek aukera berria izango dute hitzarekin jolas egiteko Durangaldean. Otxandion ezezik, Zaldibarren ere bertso eskola abian jartzeko asmotan dabiltza. 16 urtetik gorako gazteei deia luzatu diete dagoeneko.

Azaroan hasita, hiru hilabeteko ikastaroa antolatu nahi dute Zaldibarren. Astean ordu beteko saioa izango da eta izena ematen dutenen artean adostuko dute zein egun eta zein ordutan elkartu.  Interesa izan ezkero, urriaren 30era bitartean izena eman daiteke eguen@zaldibar.eus helbide elektronikoan edota 946827016 telefono zenbakian.