Abadiñoko Udalak San Prudentzioko jaietako kartel lehiaketarako deialdia egin du

 

Abadiñoko Udalak egina du deialdia  apirilaren 27tik maiatzaren 6ra bitarteko Matienako San Prudentzio jaietako kartel lehiaketarako. Apirilaren 3ra arteko epea dago lanak aurkezteko Udal Mediatekan eta Errota Kultur Etxean. Irabazleak 250 euro eramango ditu, eta  “gazte sari” bat ere badago 12-18 urte bitarteko lehiakideen arteko onenarentzat.

Aurkezten diren lanekin erakusketa bat egingo da Errota Kultur Etxean apirilaren 23tik maiatzaren 7ra bitartean. Sari banaketa ekitaldia apirilaren 27an egingo da, Doniane Atxa ipiniko den egunean.

Ayúdanos a crecer en cultura difundiendo esta idea.
.