Durangaldeko elikadura estrategiaren oinarriak jartzeko plana abiatu du Urkiola Landa Garapenerako Alkarteak

durangaldea_17_08_2016_9_58_20

Durangaldeko Elikadura Plan Estrategikoa osatzeko prozesua abiatu du Urkiola Landa Garapenerako Alkarteak, eskualdeko eragile ezberdinekin elkarlanean. Irailetik abendura bitartean idatziko da plana eta etorkizuneko gidalerroak ezartzeko oinarriak jartzea da bere asmoa. Helburua, berriz, elikadura osasuntsu eta iraunkorra balio komun garrantzitsu moduan errotu eta horren bitartez aldaketa esanguratsuak sustatzea da, landa lurraren erabileratik hasi eta kontsumoraino, bidean enpleguan, merkataritzan, gastronomian, ondarean, ekonomian eta ehun ekonomikoan eraginez.

Egitasmo honen bitartez Durangaldeak bere burua munduko hainbat hiri eta eskualdeen bidean jarri nahi du (horien artean Gasteiz). Izan ere, Durangaldeak, paregabeko ezaugarriak ditu iraunkortasunaren bidean urrats berriak emateko, dela bere herritar eta organizazioen arduragatik, dela bere inguru natural aberatsagatik.

Plan estrategikoaren diseinuan aldagai sozioekonomikoak eta joera berriak aztertuko dira. Horrez gain, zentralitatea izango du arloko eta eskualdeko eragile ezberdinekin aurrera eramango den parte hartze prozesuak. Horretarako, foro ezberdinak egituratu ditu Urkiola Landa Garapenerako Alkarteak.

Dokumentua koordinatzeko eta idazteko ardura, berriz Elhuyar aholkularitzak, Gaindegia behategiak eta Sorland komunikazio agentziak izango dute. Hiru erakunde hauek elkarlanean aurkeztutako proiektuak eskuratu zuen puntuazio altuena Landa Garapenerako Alkarteak egindako hautaketa prozesuan.

Planaren helburu zehatzak · Elikadura Plan Estrategikoak elikadura katearen egungo egoeraz, indar-guneak eta ahul-guneak antzemango ditu, bai eta etorkizuneko joerarik nabarmenenak ere. Aipatu bezala, eragin nahi den aldaketa nagusia kontsumitzaileak elikadura osasuntsu eta iraunkorraren aldeko hautu eraginkorra egitea da, eta helburu horrek bidenabar beste inpaktu edo emaitza batzuk betetzeko bidean jarriko du eskualdea, hala nola:

  • Autohornikuntza maila handitzea, eskualdeko zein inguruko produktuekin.
  • Produktu eskaintza asegarria eta erakargarria izatera heltzea.
  • Merkaturatze zirkuituetan bertako produktuaren presentzia indartzea, besteak beste, merkaturatze puntuak eta merkadoteknia indartuz.
  • Produktore kopurua handitzea eta horrekin batera sektorea gaztetzea, formazioa indartuz, lan baldintzak hobetuz, eta ustiapenen bideragarritasuna sendotuz.
  • Eta, horrekin batera Durangaldeko baserrri ingurua biziberritzea.

Esandako guztiaren adibide da irailean bertan Durangaldeko Elikadura Mahaia abian jarri izana edo “Berton Bertokoa” moduko ekimenekin ikastetxeetako jangelak bertako produktuz hornitzeko koordinazio lanak hasi izana.

Ayúdanos a crecer en cultura difundiendo esta idea.
.

2 Responses to “Durangaldeko elikadura estrategiaren oinarriak jartzeko plana abiatu du Urkiola Landa Garapenerako Alkarteak”

  1. Amaia dice:

    Ez dut ondo ulertzen, zer egingo den, ikastaroak, informazioa, mahai ingurua????
    Interesa daukat gai honetan, beraz, posible bada informazio gehiago iztea, eskkertuko nuke

  2. Imanol Esnaola dice:

    Kaixo Amaia: Urkiola Landa Garapen Alkartearen baitan “Elikadura mahaia” sortu da eskualdeko eta instituzioetako eragileez osatua. Mahai horrek hurrengo urtetan egin beharreko bideari begira, egitasmo estrategiko baten oinarriak jartzeko enkargua jaso dugu. Gure egitasmoa gaiaren inguruko diagnostikoa egin, lerro estrategikoak definitu eta balizko ekintzak proposatzea da. Egitasmo hori irailetik abendura bitartean gauzatu beharko dugu eta segidan Elikadura Mahaiaren esku utzi. Lan egitasmo zehatzak, ordea, egingo diren ekintzak, 2019tik aurrera adostu beharko dira, une hori izango da, partaidetza ahalik handiena eta lankidetza zabala beharko dituena. Dena den, informazio gehiago nahi baduzu, Urkiola Landa Garapenerako Agentziara deitu (946 203 611) edo idatzi (jmtotorika@urkiola.org) dezakezu. Mila esker zure arretarengatik. Ondo izan.

Deja un comentario

- Obligatorio

- Obligatorio