Etorkinen inguruan zurrumurruen inguruko hitzaldia emango du José Antonio Oleaga soziologoak Durangon

Azaroaren 22an José Antonio Oleaga, osteguna, soziologoak berbaldia eskainiko du Elkartegian (Landako Etorbidea, 4), “Rumores hacia los y las inmigrantes en Euskadi. ¿Te apuntas a combatirlos o difundirlos?” izenburuarekin. Aniztasunaren Eskolaren baitan antolatu da hitzaldia; Aniztasun Eskola formaziorako eta sentsibilizaziorako Durangoko Udalaren ekimena da, jarduera boluntarioa indartzeko eta kulturaniztasuna modu parte-hartzailean kudeatzeko sortua.

Jose Anonio Oleaga. ARGAZKIA · Ermuko Udala

Aurreko hitzaldian, Xabier Aierdik Euskadiko gizarte babeserako sistemak dauzkan erronken inguruko analisia egin zuen, eta immigrazioa eta Diru Sarrerak Bermatzeko Errentaren artean egiten diren lotura faltsuak deseraiki zituen. Azaroaren 22an, Jose Antonio Oleagak baliabide praktikoak emango ditu aurreiritziei, estereotipoei eta etorkinei buruzko zurrumurru faltsuei aurre egiteko; zurrumurruetan dauden egia eta gezurren inguruko eztabaidan oinarrituko da, eta zurrumurru horiek bizikidetzan duten eraginean.