Xake Produkzioak taldeak ‘Lur’ antzezlana taularatuko du Zornotza Aretoan ostiralean
Datorren ostiralean, Xake Produkzioak taldeak ‘Lur’ antzezlana taularatuko du Zornotza Aretoan 20.15ean.
Julian jostailu denda zahar baten jabe da. Egun gutxi barru Anek, bere bilobak, sei urte beteko ditu, eta opari berezi bat prestatzen ari zaio: berarentzat propio egindako panpina. Anek eta Julianek bidaia zirraragarri bat hasiko dute panpinarekin batera, desioak betetzen dituen izar magiko baten bila. Itxuraz abentura irudimentsua dirudienak Aneren eta Jonen, bere aitaren, arteko harremana berbideratzen lagunduko du. Azkenaldian Jonek onarpen arazo bat dauka. Izan ere, Ane mutila da.
XAKE Produkzioak
Zuzendaria: Getari Etxegarai
Egilea: Kepa Errasti
Antzezleak: Erika Olaizola; Mikel Laskurain; Kepa Errasti; Nerea Gorriti
Iraupena: 60´
Prezioa: 5 €
