Kontzertu solidarioak Berrizen eta Durangon

Bart …Sax! Durangoko Musika Eskolako taldeak aurtengo kurtso bukaerarako 13 banda sonoren arteko zapping musikala prestatu du. Esti Ibarrak,gure abeslariak atsedena hartu duenez kontzertu instrumentala aurkezten dugu, zinema eta musika uztartuz, irudietarako sortutako melodiak joko ditugu,zuri beltzetik koloretara salto eginez eta alderantziz.

Estilo eta garai desberdinetato pelikuletako soinu bandak interpretatuko ditugu hamasei musikariz osatutako taldearekin.

Melodia ezagun hauek proiektatuko ditugun pelikuletako irudiekin batera gozatzeko aukera izango dugu Zugaza Zinemako Emilio Ferrerasen laguntzari esker.

Bi hitzordu izango ditugu,Berrizen lehena Ekainaren7an arratsaldeko 19:00etan dohaneko sarrerarekin Berrizko Kultur Etxean,Bizidun Elkarteak antolatutakoa, kontzertua familian gozatzera gonbidatzen zaituztegu belaunaldi arteko esperientzia trukaketaz aberastuz.

Durangon, bigarren zita

Bigarren hitzordua,Durangoko Zugaza Zineman izango da,Ekainaren 13an,osteguna,arratsaldeko 20:00etan 5€ sarrerarekin.

Durangoko hitzorduak musika eta irudiak ezezik elkartasuna ere bilduko ditu, sarrerako dirua Rio de Oro elkartearentzat izango baita udaran neska mutil Saharauekin egiten duten lana  diruz laguntzeko. Sarrerak Ekainaren 1etik aurrera egongo dira salgai Zugaza Zinemako takilla,web orrian eta kutxazain automatikoan.

Ordubete inguruko emanaldiak izango dira, gure desioa aretoa melodia ederrez betetzea da eta publikoak gozatzea…hortik aurrera bakoitzaren esku utziko dugu pelikularen amaiera.