Abadiñoko Udalak emakumeei zuzendutako Afrikako perkusio ikastaro bat egingo du

Abadiñoko Udalak emakumeei zuzendutako Afrikako perkusio ikastaro bat egingo du Txanportan otsailaren 13an, 20an eta 27an eta martxoaren 5ean, Rosa Maria Miguel Pérez Berdintasun eta Aniztasun zinegotziak gaur jakinarazi duenez.

ARGAZKIA · Sökolé

Berdintasun eta Aniztasun arloak sustatutako ikastaro horretan parte hartzen dutenek kale-ekitaldi bat egingo dute martxoaren 7an herriko kaleetan, martxoaren 8ko Emakumearen Nazioarteko Eguna ospatzeko. Parte hartu nahi duenak izena eman behar du 946756790 telefonora deituta nahiz  helbide honetara idatzita: kontaktu@sokole.net .