PLATERUENA ZILARBERRITZEN | Azken urtean egindako lana azalduko dute ekainaren 10ean

I. Ellakuriaga

“Zertarako behar duzu Plateruena?”  Galdera honekin ekin dio Durangoko kafe antzokiak 2013. Urtetik abian duen zilarberritze prozesuan hurrengo pausuari. Tarte horretan, Durangaldeko sortzaile, elkarte, eragile eta kulturzaleak behin baino gehiagotan batu izan dira Plateruenak zer nolako elkargunea izan behar duen erabakitzeko. Erabakitakoa plazaratzeko hitzordua ipini dute datorren ekainaren 10erako, arratsaldeko 19:00etan. Ekitaldi zabala izango da, Plateruena Kafe Antzokia zertarako galderaren erantzuna ezagutu gura duten guztientzat.