‘Durango Sor(tzaileen)leku’ bekek 39 proposamen jaso dituzte

Izena emateko bi hilabeteak igaro direnean, Durangoko Udalak 39 proiektu proposamen jaso ditu, ‘Durango Sor(tzaileen)leku’ beken bidez diruz laguntzeko. Beka horiek herriko kultura-sortzaileei laguntzeko aurkeztu dira, 95.000 euro dituzte, eta laguntza ekonomikoa izan nahi dute, hainbat diziplina artistikoren sortzaileak COVID-19ak sektorean eragin dituen ondorio zuzenak pairatzen ari diren une honetan.

Durangoko Udaleko arduradunek azaldu dutenez, 39 eskaera hauek beka horien inguruan zituzten aurreikuspenak gainditu dituzte. Ildo horretan, Julian Rios alkateordea eta Ane Abanzabalegi zinegotzia itxaropentsu agertu dira bertako sortzaileei laguntzeko:

«Beste sektore batzuetan egin dugun bezala, saltoki txikietan eta ostalaritzan, esaterako, Durangoko kultur sortzaileen aldeko apustu sendoa egin nahi izan dugu. Duela urtebete, espainiar estatuko zenbait programatzaileek ‘Uda Kulturaz Blai’ren aldeko apustua erreferentziatzat jarri zuten. Gainera, azken hilabeteetan tokiko sorkuntza ikusarazteko saiakera egiten ari gara, urte osoan antolatzen ditugun kultur zikloetarako tokiko konpainiak edo elkarteak kontratatuz. Bestalde, Durangoko Udalak 15.000 eurorekin finantzatu du Gerediagarekin batera Durangoko Azokarako aurkeztu dugun ‘Sormen Beka’. Eta, azkenik, uste dugu 95.000 euroko beka horiek kultura sortzen jarraitzen lagunduko dietela kultur kolektibo edo sortzaile askori, eta elementu hori Durangoko herritar guztiengana itzuliko da zuzenean. Durangok herrialde mailan erreferentzia kulturala izan behar duela uste dugu».

Epaimahaiaren lana

Bekek hainbat diziplinatako proiektuak estaliko dituzte, hala nola ikus-entzunezko lanak, musika-konposizioak, literatura-lanak eta ilustrazioa, obra plastikoak eta grafikoak edo kultura-proiektuak. Azken horietan, lehentasuna emango zaie herritarrekiko bitartekaritza-proiektuei eta tokiko kultura-ondarea balioesten laguntzen duten proiektuei.

Orain, proposamen guztiak bildu ondoren, Durangotik kanpoko sektoreko lau profesionalek eta Astarloa Kulturgintzaren ordezkari batek osatutako epaimahai independente batek gehienez hiru hilabeteko epean erabakiko du zein 18 proiektuk18 proiektuk jasoko duten Durangoko Udalaren finantziazioa. Prozesu gardena, bidezkoa eta berdintasunezkoa bermatzeko, epaimahaikideek ez dituzte ezagutuko aurkeztutako proiektuen egileak, eta, beraz, beren proposamenak soilik aztertu ahal izango dituzte. Epaimahaiak modu anonimoan jasoko ditu kultur proiektuak, egiletza aipatu gabe.

Riosen eta Abanzabalegiren arabera, «kultur ekoizpena eta sormena lehenetsi eta bultzatu nahi izan ditu deialdi honek. Horregatik, beste beka edo lehiaketa batzuetan ez bezala, ez da kontuan hartzen sortzaileen profila. Uste dugu tokiko talentua bere alderdi guztietan plazaratzeko modurik onena dela».

Berraktibazio Planaren baitan

Aurkeztutako proiektuen puntuazioan garrantzia izango dute aurkeztutako proiektuaren kalitateak, originaltasunak, proiektuak jarraipena izateko dituen aukerek, euskararen presentziak eta erabilerak edo proiektuan genero-ikuspegia txertatzeak. Elementu guztiak ahalik eta irizpide objektiboenen arabera puntuatuko dira.
Laguntza horiek 2.281.159 euroko Berraktibazio Planaren barruan kokatzen dira. Durangoko gobernu-taldeak duela urtebete egin zuen plan hori herriko hainbat sektorerekin batera, COVID-19aren ondorio sanitario, ekonomiko eta sozialei aurre egiteko. Kultur sektoreari ez ezik, Durangoko Udalak herriko beste sektore batzuei ere lagundu die, hala nola ostalariari edo merkataritzari; izan ere, 500.000 euroko partida bat jarri da horientzat zuzeneko laguntzetarako.

«Udal honetatik ulertu genuen pandemiarekin Durangoko ekonomiaren, gizartearen eta kulturaren susperraldian jarri behar genuela arreta. Durango bizia eta aktiboa behar dugu, hainbat eremutan eskualdeko erreferentzia izaten jarraitzeko. Helburu hori lortzeko, Berraktibazio Plan bat egin dugu, pertsonak ardatz hartuta. Ildo horretan, eta beste sektore batzuekin egin dugun bezala, uste dugu gobernu-talde honek Durangoko kultura-ehunari ere lagundu behar diola, tokiko sortzaileek beren sorkuntzak eskaintzen jarraitu ahal izan dezaten. Beka hauek inbertsio bat direla diogu, badakigulako sorkuntza hauek utziko diguten ondareak onura mota asko ekarriko dizkigula herri bezala», esan dute Riosek eta Abanzabalegik.

Ayúdanos a crecer en cultura difundiendo esta idea.

Los comentarios están cerrados.