Elorrio Udalak industria-ondareari buruzko ‘Harria eta taladrina’ aldizkariaren bigarren alea argitaratu du

Elorrioko Udalak industria-ondareari buruzko “Harria eta taladrina” aldizkariaren bigarren alea argitaratu du. Kapitulu honen izenburua “Bizi eta habitatu. Industria-ondarearen beste aurpegia” da, eta bertan aztertzen diren gaiak, udalerriko langileen etxebizitzak, eta Elorriorentzat herrialdeko lantegi-gune garrantzitsuenetako bat bihurtzea zer izan zen dira, batez ere.

Bigarren ale honetan, herriko ondare industrialaren aberastasun guztia transmititzeko hain bereizgarriak eta bereziak diren eraikin horietan dauden etxebizitzei ematen zaie ahotsa. Funtsezkoa da bertan bizi direnen bizi-esperientziak ulertzeko.

Testigantzak

Zuzeneko testigantzek, ikerketa-lanek, argazki-galeriek eta hainbat bitxikeriek ematen diote forma “Harria eta taladrina” argitalpenaren bigarren koaderno honi. Koadernoa Udalak astean zehar banatuko du, eta lehengo Elorrion eta bere bilakaeran barneratzeko aukera emango die irakurleei, gaur egunera iritsi arte.