Bihar xarma bereziko eguna Axpen

Oihana Azkorbebeitia

Iraila da Artzai Txakur Txapelketen hilabetea. Probintzia bakoitzeko txapelketak burututa, Axpen (Atxondon) egingo da aurten ere Euskal Herriko Txapelketa nagusia. Bihar, zapatua.

Txapelketa guztietan bakoitzak bere ardura eta zereginak ditugu. Antolatzaileon ardura, esaterako, dena ondo irtetea: ikusleak erakartzea, artaldeak bizkor aldatzea, epaimahaikoen lana txukuna izatea, megafoniak kale ez egitea, eta abar. Artzainaren ardura, ostera, txakurra eta biak elkarlanean ondo aritzea. Are gehiago Axpeko txapelketan, Euskal Herriko txapela baitago jokoan.

Xarma bereziko eguna izango da, inondik ere. Ia denok gustura geratzen garen egindako lanarekin eta beste urte askotan egun hau pozarren antolatzen jarraitzen dugun!

* Oihana Azkorbebeitia 48. Euskal Herriko Artzain Txakur Txapelketako antolatzailea da.